Несекојдневна глетка затекнал на својата фарма домаќинот Милан Шукало во Градишкото село Карајзовци, Босна и Херцеговина, каде што маторицата опрасила дури 29 прасиња, што е рекорд, како кај нив, така и во околината.
Домаќинот вели дека маторицата досега не опрасила повеќе од 22 прасиња, но минатиот викенд било поинаку. Сега, вели Шукало, ги соборила сите рекорди, како во нивниот крај така и многу пошироко.
„Претпоставувавме дека ќе има многу прасиња, судејќи по стомакот што и беше спуштен, но дека ќе бидат толку, не очекувавме. Ова е трет пат да се опрасува, а претходните два пати се опраси со по 22 прасиња. Две угинаа веднаш, што беше и очекувано, бидејќи ги имаше премногу“, изјави Шукало.
Ова семејство со децении одгледува свињи и смета дека една од причините за бројот на прасињата е генетиката, но и природното оплодување. Иако оваа маторица требало да заврши во кланица, Милан вели дека синот не дозволил и дека ќе ја „пушти“ да е опрасува уште најмалку три пати.
„Работевме нешто на поле, и кога влегов во свињарникот видов четири, па девет, а на крајот кога изброивме 29 прасиња, бев во шок“, вели Милан.
Било неизбежно некои од нив да умрат. Меѓутоа, овие одговорни домаќини ги префрлиле прасињата кај други маторици за да ги спасат. Досега пет од нив починале, па се надеваат дека ќе застанат тука.
„На прасињата им е тешко да функционираат кога ќе се префрлат кај друга маторица. Без разлика на се, тие ја чувствуваат и својата мајка, која може да нахрани петнаесет од нив“, додаде Милан.
Целото семејство на Милан секојдневно работи на полињата за да произведе доволно храна за големата фарма. Тоа се, пред сè, сено, пченка, пченица, соја и јачмен.
-Имаме многу свињи, па ни треба многу храна. Бев и на страна, односно работев во Виена еден месец, но брзо се вратив, затоа што дома е најубаво. Понекогаш работиме од утро до вечер, но никој не не тера и немаме работно време. Сами сме газди, работата на село бара голема жртва и труд – изјави Драган и рече дека сака да остане на имотот и да живее исклучиво од својата работа.
Покрај сите култури кои се потребни за функционирање на фармата, семејството Шукало одгледува и лубеници.
-Засадивме околу три и пол хектари лубеници, а откупуваме и калемени садници. Приносите беа добри, околу 80 тони по хектар и сето тоа го пласираме на домашниот пазар – вели Драган Шукало, пренесува Агросавјет.
