Иако одгледува разни видови, Холандија е најпозната по преубавите лалиња. Годишно се извезуваат околу 3 милијарди од ова цвеќе во земјите ширум светот.
Во Холандија во 17 век, луковиците на лалето биле повредни од злато. Цветот симболизирал бесмртност, живот и љубов. Во 1630 година се случило поедини луковици да се толку вредни, па ги користеле како некој вид валута.
Славниот виенски биолог Каролус Клусиус и директор на најстарата ботаничка градина, го донел лалето во оваа земја. Тој од својот колега ботаничар кој служел на Хабсбуршката монархија како амбасадор во Константинопол, добил необичен подарок. Додека вршел истражувања на медицински растенија во Турција собрал голем број на луковици. Рекол дека овој цвет се нарекува „тулипан“ по персискиот збор за турбан, на кого асоцирал цветот лале. Многу подоцна, се покажало дека името на овој цвет сепак нема врска со самиот изглед на турбанот, туку со обичајот кој потекнувал уште од времето на Сулејман Величествени. Имено, Турците цветот лале го носеле како украс на турбанот, како симбол за благосостојба.
Цветното поле Кеукенхоф, се наоѓа во градот Лиса и е најголем светски парк со површина од 32 хектари. Во овие градини годишно се засадуваат околу 7 милиони луковици цвеќе.
