Ако и вашиот домат изгледа вака знајте дека тоа го направиле смрдливките. Овие бубачки за градинарите и овоштарите претставуваат вистински ноќен кошмар. Тие се доста жилави и отпорни.
Јајцата ги полагаат на опачината на листот така што се добро скриени. Ние успеавме да ги снимаме и дз ви откриеме како тоа изгледа. Возрасните единки се со зелена боја и доста добро се сокриени. Не се забележуваат лесно, брзо се размножуваат и ја освојуваат градината.
Се смета дека токму на доматот прават најголеми штети иако ги сакаат и другите овошки и зеленчук. Сакаат сочни плодови и се хранат со растителниот сок така што го вшмукуваат. Ја пробиваат кората на плодот и го вшмукуваат сокот. Доматот кога созрева станува сочен и претставува идеална храна за смрдливите бубачки. Плодовите стануваат лепливи со видливи оштетувања од цицањето на сокот. Покрај тоа доматот прима и непријатен мирис што е последица на допирот со течноста која ја лачат бубачките.
Што можете да направите?
Земјоделците кои се занимаваат со еко производство имаат вистински проблем. Засега не постои адекватно средство кое би ги одвратило смрдливките.
Природни непријатели им се бубамарите и пајаците. Бубамарите ги јадат јајцата на смрдливките, а пајаците возрасните единки. Земјоделците што се занимаваат со конвенционално производство употребуваат инсектициди. Малку е незгодно доматот да се прска со инсектицид кога му созреваат плодовите. Притоа треба да се биде внимателен при изборот на препарати. Постојат инсектициди чија каренца е 3 дена. Тоа значи дека три дена после прскање плодовите можат да се берат и користат.
Некои искуства покажуваат дека смрдливките развиваат отпорност дури и на хемикалиите.
