Палетите можете да ги искористите на толку многу начини, но оваа градина е сигурно една од најдобрите идеи, особено ако немате доволно простор. А можете да ја сместете на тераса.
Ваквото решение за вашето цвеќе е многу поволно и навистина импресивно.
Прво најдете палета.
Кога ќе ја имате палетата, време е да ги соберете и останатите материјали. Секако, морате да набавите земја за цвеќе (две големи вреќи), садници (цвеќе или лековито растение), агротекстилна подлога, со која ќе ја прекриете палетата (или добар густ, цврст материјал, кој пропушта вода и влага), хефталка и шмиргла.
Исчистете ја палетата, поправете ја, со шмиргла порамнете го дрвото да не се повредите од иверките. (Доколку сакате палетата да ја префарбате, користете водоотпорна боја и оставете ја после фарбањето добро да се исуши).
Дното на палетата и страните прекријте ги со агротекстилна подлога и со хефталка добро прицврстете ја за дрвото. Доколку ви се чини дека не е доволно цврсто или дека е тенко, задебелете со уште еден слој. Важно е целиот материјал добро да е прицврстен за палетата и да нема дупчиња низ кои земјата би испаѓала.
Ставете ја палетата на дното и во првиот ред наредете ги растенијата или цвеќињата, но густо, за градината да биде што поцврста и земјата да не излегува.
Во палетата ставете земја од вреќа (додадете ја и на првиот ред кој веќе сте го формирале). Во секој ред густо засадете ги растенијата, за да ја држат земјата цврсто на место.
Наводнете и оставете во лежечка состојба сѐ да се соедини и зацврсти. Подигнете ја палетата и ставете ја на место во дворот или на терасата кое најмногу ви одговара.
Редовно наводнувајте ги растенијата.
