Средното училиште СУГС „Браќа Миладиновци“, Скопје, организираше отворен ден на училиштето, во чии рамки беше и свечено отворање кон опкружувањето на училишната мини зоолошка градина – ЗОО Парк системот за аквапоника.
Во ЗОО Паркот се сместени триесетина домашни и светски животни: лами, носести мечиња, пони коњчиња, елени, срни, домашни животни, како и многу птици. За животните од ЗОО Паркот се грижат учениците кои воедно на овој начин изведуваат практична настава. Неодамна на натпреварот организиран од страна на ФИТР и УНИЦЕФ, во конкуренција од триесетина училишта во државава, ние го освоивме првото место, токму со проектот за отворање на ЗОО Паркот за посетители од Скопје и целата држава. Во нашиот парк креирана е и забавна и едукативна содржина за сите посетители. Ние сме единствено училиште во земјава кое има сопствена зоолошка градина, која сега ќе стане достапна за посетители.
Во услови на глобална пандемија, земјоделското производство само ја зацврсти важноста на обезбедувањето храна. Но, за жал новите генерации не ја препознаваат оваа вредност, па ние секоја година училиштето се соочува со намален број на ученици. Со цел да ги стимулира младите да ја одбираат земјоделската образовна струка, Владата на РСМ од оваа година ќе доделува стипендии на средношколците од земјоделско-ветеринарната струка.
Исто така, во рамките на повикот за Млади истражувачи 2, училиштето доби финансиска поддршка од Фондот за иновации и технолошки развој за проектот „Аквапоника-клуч за иднината“, при што изградивме систем за аквапоника и отпочнавме со одгледување на риби и растенија во симбиоза.
Настанот кој симболично го закажавме на последниот ден од учебната година, треба да помогне за свртување на вниманието на младите дека може да се учи и во природа и преку пракса да се стекнуваат знаења со кои имаат загарантирана иднина.
