Една од најчестите и најскапи грешки при ѓубрењето е користењето исти количини на различни азотни ѓубрива, без да се земе предвид процентот на азот што го содржат.
Каде најчесто грешат земјоделците:
Многу земјоделци ставаат иста количина Уреа, Тарана и КАН, мислејќи дека ефектот е ист.
РЕАЛНОСТ:
- Уреа → 46% азот
- Тарана → 34% азот
- КАН → 27% азот
- Тоа значи дека:
100 kg Уреа не е исто со100 kg КАН или Тарана
Со иста количина Уреа внесувате речиси двојно повеќе азот отколку со КАН! - Последици од оваа грешка:
- Преголемо или недоволно ѓубрење
- „Горење“ на посевите
- Прекумерен вегетативен раст и полегање
- Помал принос и полош квалитет на зрното
- Непотребно фрлање пари
ЗАПОМНЕТЕ:
Секогаш пресметувајте според чист (активен) азот, а не според килограми ѓубриво.
✔ Уреа = помала количина
✔ Тарана = средна количина
✔ КАН = поголема количина
- Правилната пресметка значи здрави посеви, поголем принос и помал трошок.
- Споделете го ова предупредување – може да заштеди многу пари и труд!
ПРЕДЛОГ КАКО ПРАВИЛНО ТРЕБА ДА СЕ ЃУБРАТ ПОСЕВИТЕ
Пролетно ѓубрење на пченица и јачмен со азотни ѓубрива
Пролетното ѓубрење е клучна агротехничка мерка за постигнување висок и стабилен принос кај есенските житни култури како пченица, јачмен и др. Азотот е најважниот елемент за развој на лисната маса, формирање на класот и квалитетот на зрното.
За оптимален раст и развој, потребата од чист (активен) азот изнесува 150 kg N/ha, а ѓубрењето се препорачува да се изврши во два наврати, со цел подобра искористливост и намалување на загубите.
Азотни ѓубрива и нивната содржина
- КАН – 27% N
- Тарана – 34% N
- Уреа – 46% N
Пресметка на потребни количини по хектар
| Ѓубриво | % Азот | Вкупна количина (kg/ha) | 1-во ѓубрење (kg/ha) | 2-ро ѓубрење (kg/ha) |
| КАН | 27% | 550 kg | 275 kg | 275 kg |
| Тарана | 34% | 450 kg | 225 kg | 225 kg |
| Уреа | 46% | 300 kg | 150 kg | 150 kg |
Заклучок
Изборот на ѓубриво зависи од достапноста, цената и агротехничките услови.
- КАН е побезбеден за рана примена и делува побавно
- Тараната има побрзо дејство и помала потребна количина
- Уреата е најконцентрирана, но бара внимателна примена (по можност пред дожд)
Со правилно поделено, пролетно ѓубрење во два наврати се обезбедува рамномерен раст, подобар принос и поквалитетно зрно кај пченицата и јачменот.
Кога да се ѓубри?
✔ Прво прихранување – рана пролет (фаза на братење) – половина од вкупната количина на избраното ѓубриво.
✔ Второ прихранување – 20 дена после првото ѓубрење, со втората половина од вкупната количина на избраното ѓубриво.
Совет:
КАН е одличен за рана примена,
Тараната е со прифатлива цена,
Уреата применувајте ја пред дожд,
Поделбата на ѓубрењето во два наврати значи подобар ефект и помали загуби,
Со правилно пролетно ѓубрење – до стабилен принос и поквалитетно зрно!
Предлог табела за водење на евиденција за правилно ѓубрење.
Изработиле членовите на стручниот актив – агрономи од СОЗУ Кузман Шапкарев Битола.
