Најмногу снег има во Крушево, каде снежната покривка е 16 сантиметри, во Пожарене 15, 12 во Ѓуриште, седум во Скопје-Зајчев рид, пет Скопје – Петровец, четири Битола, три Дебар, два Тополчани, а еден сантиметар снег има во Куманово.
Со -5 степени Маврови Анови изутринава е со најниска температура во државава, по што следат со -4 Попова Шапка, -2 Крушево и со -1 Куманово и Дебар. Нула степени се регистрирани во Битола, Прилеп, Скопје-Зајчев Рид, Скопје-Петровец, Штип, Виница и Демир Капија, еден во Струмица, Охрид и Претор, два во Крива Паланка и Берово, три во Гевгелија и Дојран.
Во изминатите 24 часа заклучно со седум часот изутрина најмногу воден талог е наврнат во Демир Капија, 38 литри на метар квадратен, по што следат Попова Шапка со 28, Битола, Крушево и Гевгелија со 26, Крушево со 25, Маврово, Струмица и Скопје-Петровец, со 18…
УХМР информира дека утринава во Прилепско има удари од северен ветер и до 40 километри на час. Во 7 часот снег е забележан само на Пожаране, над Полошката котлина.
За денеска најавува претежно облачно време со повремени локални врнежи претежно од снег. На југоистокот врнежите од повремен дожд ќе преминуваат во повремен снег. Ќе дува умерен до засилен ветер од северен правец. Максималната температура ќе достигне од 2 до 6 степени.
Во Скопје облачно особено попладне со повремен снег. Ќе биде ветровито со повремено засилен северен ветер. Максималната температура ќе достигне 3 степени.
