Законот за органско земјоделско производство беше усвоен во Собрание, означувајќи важен чекор кон развојот на земјоделството и усогласувањето на државата со европските стандарди.
Овој закон создава модерна и појасна рамка за развој на органското производство, зајакнувајќи го системот на контрола и транспарентноста на пазарот. Законот предвидува и поголема поддршка за земјоделците, особено за малите производители и семејните земјоделски стопанства кои се занимаваат со земјоделско производство.
Со усвојувањето на овој закон се отвораат нови можности за зголемување на квалитетот на домашните производи, зајакнување на довербата на потрошувачите и проширување на потенцијалот за извоз на европскиот пазар.
Ова претставува значаен чекор кон одржлив развој на земјоделството и промоција на органските производи во државата.
