Совршен лесен летен оброк или мезе, овие уштипци се вкусни, ароматични и полни со свежи состојки. Послужете ги топли со сос од јогурт или како прилог со главното јадење.
Состојки (за 4 лица):
2 рендани тиквици
1 рендана главица црвен кромид
2 млади кромидчиња, ситно сечкани
1 гранче нане, ситно сечкано или лажица суво
2 јајца
10о грама рендано тврдо сирење или кашкавал
100 грама презла или 2 лажици брашно со прашок за пециво
2 лажици маслиново масло
1 гранче свеж магдонос, ситно сечкан
Сол и црн бибер по вкус
Масло за пржење
Начин на подготовка:
Ренданите тиквици ставете ги во голем сад, посолете ги малку и оставете ги да стојат 15–20 минути. Потоа добро исцедете ги од вишокот течност.
Додадете го ренданиот црвен кромид, младите кромидчиња, нането, магдоносот и ренданиот кашкавал/сирење.
Разматете ги јајцата и додадете ги во смесата.
Додадете ја презлата или брашното (по потреба за да се добиете густа смеса), заедно со маслиновото масло.
Зачинете со сол и бибер по вкус и добро измешајте сè.
Загрејте масло во тава и со лажица формирајте мали уштипци.
Пржете ги на средна температура од двете страни додека не добијат златна боја (приближно 2–3 минути по страна).
Ставајте ги на кујнска хартија за да се впие вишокот масло.
Совети:
По желба, додадете и едно чешне лук за посилен вкус.
Наместо да ги пржите, можете да ги печете во рерна на 200°C околу 20 минути, превртувајќи ги на половина печење.
Најдобро се служат со ладен јогурт или таратор.
Добар апетит!
МИА
