Утрово најстудено е во Берово и Крива Паланка, 8 Целзиусови степени, а во изминатите 24 часа најмногу дожд наврнал во Крушево, 10 литри на метар квадратен.
Како што информира Управата за хидрометеоролошки работи, до 8:30 часот се измерени 9 степени во Крушево, 10 во Тетово, Виница, Куманово и Струмица, 11 во Претор, Штип, и Битола, 12 во Скопје-Петровец и Гевгелија и 13 во Демир Капија.
До 8 часот наврнале и 8 литри дожд на единица површина во Претор, 4 во Битола, Штип, Струмица, Тетово, Берово, Крива Паланка, Демир Капија и Виница.
Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец. Максималната температура ќе биде во интервал од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Максималната температура ќе достигне до 13 степени.
УХМР
