Во текот на ноќта и во понеделник, под влијание на влажен бран, времето ќе биде облачно со врнежи од дожд што повремено ќе бидат поројни, а пообилни ќе бидат во северозападните и во источните делови од земјава.
Поради продор на студена воздушна маса, врнежите, освен на планините, ќе преминуваат во снег и на повисоките места, а кон крајот на утрешниот ден и во текот на ноќта кон вторник, појава на снег ќе има и на некои пониски места.
Утре и задутре ќе дува силен северен ветар со брзина од над 65 км./ч. што ќе услови нагло намалување на дневните температури за 7 до 9 степени. Од вторник ќе преовладува постудено време со повремено зголемена облачност и појава на локални врнежи од дожд и снег.
