Во изминатата седмица имавме стабилно време со ниски утрински температури и дневни повисоки температури кои беа во границите на просекот за овој период од годината. Овие временски услови се очекувани од аспект што ја одржува состојбата во услови на мирување кај земјоделските култури, состојба која е неопходна во овој период.
Доколку почвените услови тоа го дозволуваат земјоделците можат да почнат или продолжат со кроење на виновата лоза и овошките, припрема на површините во пластеничкото производство, и евентуално прихранување на есенските посеви. Во локалитети и кај сорти каде постојат услови за измрзнување поради ниски зимски температури и ризик од доцни пролетни мразеви, се препорачува резидбата да се изврши во периодот на крајот на февруари и почетокот на март.
Денес, претежно во планинските региони ќе има појава на слаб повремен снег, а на повисоките места во западните делови од повремен дожд кој може да замрзнува на тлото и кој ќе преминува во снег. Потоа ќе продолжи променливо облачно време претежно во планинските региони со услови за појава на слаб повремен дожд, а на планините со услови за слаб повремен снег. Во петок ќе засилува југоисточен ветер.
Кај останатите култури да се продолжи со активностите и грижата за посевите и изведување на работи во поле. Минималната температура ќе се движи во интервал од -5°C до 5°C а, максималната температура ќе се движи во интервал од 0°C до 11°C.
