Од УХМР известуваат дека до четврток ќе преовладува променливо облачно и посвежо време со повремени врнежи од дожд. Утре наместа врнежите ќе бидат пообилни (над 20 л/м2), локално поројни и проследени со грмежи. Во следните денови ќе дува слаб до умерен, а долж Повардарието повремено засилен ветер од југоисточен правец (над 60 км/час).
Пораст на температурата се очекува кон крајот на седмицата.
Во Скопје утре ќе преовладува облачно време со врнежи од дожд, повремено поројни. Потоа во следните денови врнежите ќе бидат со послаб интензитет.
Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.
