Денеска во просториите на Министерството за земјоделство, шумарство и водостопанство министерот Арјанит Хоџа оствари средба со тутунопроизводителите и преработувачите во Република Северна Македонија. На состанокот се разговараше за актуелните теми и проблемите со кои се соочуваат производителите и преработувачите во пресрет на откупот на тутунот во Република Северна Македонија. Исто така се разговараше и за откупот во услови на пандемија и најдобрите можни начини за надминување на евентуалите проблеми предизвикани од Ковид 19.
Преставниците на тутунопроизводителите и откупните компании изразија подготвеност да се надминат евентуалните проблеми поврзани со количините тутун и неговиот откуп.
На денешната средба беше постигната согласност од потребата да се креираат развојни политики кои ќе бидат усогласени со заедничката земјоделска политика на Европската унија.
На крајот министерот Хоџа посочи дека од страна на министерстовото се преземени сите обврски на време и посака пријатна и успешна сезона и што помалку проблеми да има при откупот.
