Денеска во просториите на Стопанска комора присуствував на Седницата на Клубот на извозници каде истакнав дека за првите 10 месеци од годинава има одредени сегменти во кои бележиме раст како држава и во делот на извозот на храна има зголемување за 11 проценти. Кај пијалoците за 4,5, а во делот на тутунот и тутунските производи за 15 проценти. Во вкупна бројка за 10 месеци имаме извоз од околу 670 милиони евра, ова е добар сигнал каде почнуваат да се гледаат показателите дека Владата добро работи во овие шест месеци, информира министерот за земјоделство, Цветан Трипуновски.
Потенцирав дека интенција на министерството е, да се зголеми производството, да бидеме отворени и транспарентни и со олеснета бирократија. Ќе работиме на делот на дигитализација за олеснување на бирократските процедури.
Ја поздравувам иницијативата на Претседателот на Стопанската комора Бранко Азески, кој од неодамна започна да го развива концептот за извоз кој се базира на три меѓусебно поврзани столбови и тоа: Клуб на извозници, Национален совет за извоз (НСИ) и Институт за извоз, преку кој што ќе се третираат сите прашања поврзани со промоција и поддршка на извозот.
Фејсбук статус на Цветан Трипуновски
