Вечерва во Берлин ја имав честа да го претставам македонското вино на настан кој што го организиравме заедно со Државното претставништво на Северна Рајна Вестфалија и нашата амбасада.
За нас, како мала земја, македонската винска индустрија е од особена важност бидејќи покажува позитивен потенцијал, позиционирајќи се себеси како втор најголем извозник во земјоделскиот сектор.
Главната стратешка цел во политиките за лозарство и винарство е да се фокусира производството на локални сорти како Вранец, Станушина, Кратошија, Темјаника, Смедеревка и висококвалитетно грозје.
Вкупната површина на лозови насади е 23.000 хектари, од кои 21% се во сопственост на индивидуални производители на грозје, а 79% се на винарии. Значителен процент им припаѓа на малите семејни винарии со капацитет до 50.000 хектолитри.
Користејќи ги националните и европските фондови за финансиска поддршка, винариите сè повеќе инвестираат во надградба на опрема, реконструкција на плантажи, винарии, како и во инвестирање во човечки потенцијал, со јасна визија за производство на висококвалитетно флаширано вино.
Преку ваквите настани се отвора можност за промоција на македонското вино и неговиот пласман на европските пазари.
Фејсбук статус на министерот за земјоделство, Цветан Трипуновски.
