Денеска во Велес присуствував на настан организиран од страна на на Македонската асоцијација на земјоделски задруги за промоција на можностите за финансиска поддршка на земјоделските задруги во Македонија, информира министерот за земјоделство, Цветан Трипуновски.
Одговорот за силен земјоделец е во задругарството, во таа насока треба да се движи македонското земјоделство.
Поголемо и поквалитетно производство, сигурен пласман и поголем профит се само некои од придобивките на земјоделското здружување.
Задругарството претставува клучен сегмент за модерно, конкуретно и извозно ориентирано земјоделство.
Министерството за земјоделство, шумарство и водостопанство ја препозна итноста од потребата за интервенција во законската регулатива која ги засега задругите, а се со цел да им се обезбеди повторно пристап до финансиска поддршка на земјоделските задруги.
Остануваме цврст партнер и поддржувач на земјоделските задруги – објави на ФБ, Трипуновски.
