Во Делчево остварив средба со производителите на сливи од Делчево, Берово и Пехчево.
Разговаравме за годинешната реколта, принос и квалитет на родот. Оваа година како резултат на сушата, но и градот којшто го зафати овој регион се очекува поголем дел од сливата да оди за индустриска обработка што директно ќе значи помали приходи за земјоделците.
Ние како одговорна Влада и посветено Министерство коешто е на страната на земјоделците активно работиме на пронаоѓање на нов пазар за македонската слива, истовремено во процес сме на креирање на дополнителни мерки кои ќе значат помош за производителите на сливи и со тоа да ја спасиме оваа сезона, но и да ја задржиме активна оваа категорија на земјоделци, напиша на социјалните мрежи министерот за земјоделство, шумарство и водостопанство Цветан Трипуновски.
