Денеска, 3 јули во државата се активни 5 пожари, гори во прилепско, Валандовско, Богданско, Македонски брод, Старо Нагоричане, гори и во Сарај, с.Свиларе
Во Валандово гори трет ден во областа кај село Грчиште, втор ден активен е и пожарот кај с.Паљурци, општина Богданци.
Во моментот гори ниска вегетација и мешана ниска шума.
Пожарот кај с. Грчиште е делумно активен, разгоруван сам од себ со помош на ветрот, гаснат, повторно разгоруван на други згаришта активирани од присутниот ветер на теренот.
На терен се:
– ТППЕ Валандово (со 1 возило, 4 пожарникари)
– ПШС „Саланџак“ – Валандово (со 8 вработени, 2 возила)
– Шумска полиција (3 лица, 1 возило)
– ЈП „Комунален сервис“ Валандово (3 вработени, 1 возило)
– Ловно друштво „Валандово“ (3 лица, 1 возило)
– Хеликоптер на АРСМ
Еден крак од пожарот кај Ѓрчиште го премина ридот и продолжи да се движи во нискостеблестата област во правец кон с.Фурка, дојранско. Се загрозува тамошната вегетација и можноста огнот да премине во општинскиот атар на Дојран.
На потегот кај ветерниците кон с. Фурка е упатена единица составена од гевгелиските пожарникари од ТППЕ Гевгелија и вработени од Подружница ШС „Кожув“ Гевгелија.
Никој од надлежните институции не излезе со проценка на штетата, се’ уште нема податок колкаво подрачје на југот е зафатено од пожарот. Засега приоритет е да се ликвидира огнот, да се угасне пожарот кој три дена ги држи будни противпожарните сили од Гевгелија и регионот, но и населението од околните села. По победата над огнената стихија ќе се проценуваат штетите.
Од ЦУК предупредуваат на одговорен однос при престој во природа, да не се пали оган на отворен простор, да не се палат стрништа, при појава на првите знаци за пожар веднаш да се јави на тел. број 112.
Извор: gevgelijanet.com
