Fendt го претстави првиот прототип трактор на неодамнешниот самит за водород организиран од баварското Министерство за економски прашања, регионален развој и енергија.
Во таа прилика беше посочено дека земјоделството и шумарството се од централно значење за енергетската транзиција. Тоа најмногу се однесува на производството и користењето на енергија на фарми и земјоделска механизација, каде што користењето на овој енергент има технолошки потенцијал и практична употреба.
Fendt и други партнери учествуваат во проектот H2Agrar кој се спроведува во Долна Саксонија и има за цел да ја истражи водородната инфраструктура за водород за земјоделски потреби. Проектот веќе ја освои наградата DLG Agrifuture Concept Award 2022.
Тракторите на ваков погон за прв пат редовно ќе се користат на фармите.
Fendt го најави производството минатата година, а сега ќе ги испорача своите два прототипа од првата генерација на фармите во Долна Саксонија во април оваа година.
Целта на проектот е истражување и воспоставување инфраструктура.
„Водородот го гледам како многу важно решение за проблемите во земјоделството и шумарството што може да обезбеди доволно енергија за негово производство“, рече Хуберт Ајвангер, баварски министер за економски прашања, регионален развој и енергетика. Тој наведува дека соларните и ветерните електрани произведуваат електрична енергија на земјоделско и шумско земјиште, што може да се искористи за производство на ова погонско гориво.
Успех на проектот е земјоделците да го користат за своите трактори и друга земјоделска механизација. Тој додаде дека се надева дека Fendt ќе продолжи да го развива прототипот, бидејќи се потребни такви иновации.
