Во Хрватска под расадници има околу 350 хектари. Првите десет расадници покриваат 190 хектари.
Според статистичкиот извештај за земјоделско производство во 2019 година на Државниот завод за статистика, во Хрватска под расадници таа година биле 355 хектари, од кои 251 се наоѓаат во континентална, а 105 хектари во јадранска Хрватска.
Кога станува збор за системот на поддршката во 2020 година, според податоците на Агенцијата за плаќања во земјоделството, рибарството и руралниот развој (АPPRRR), првите десет заземаат 190 хектари, односно повеќе од половината од расадното производство.
На прво место е Rabo d.o.o., на второ е Bio Eco Energy Company d.o.o., а на трето Horčička Dalibor.
10 најголеми производители на расад во системот на поддршката во Хрватска за 2020 година
Според последните достапни јавно објавени податоци расадникот Rabo d.o.o. од Кнежевни Виногради (втор најголем производител на јаболки во Хрватска) во 2019 година имал 94 вработени. Тогаш генерирал приход од 58.670.000 куни и остварил добивка од 850.000 куни. Оваа година остварил право на 7.925.957 куни поддршка.
Вториот производител на овој список, Bio Eco Energy Company d.o.o. првенствено се занимава со одгледување на културата Miscanthus x giganteus. Како што истакнуваат на своите страници, сакаат да станат лидери во производството и дистрибутери на саден материјал на наведеното растение, кое, како што наведуваат е водечко во производството на енергија, биогорива и разни производи добиени од целулоза. Во 2019 година имале пет вработени, генерирајќи приход од 1,73 милиони куни и оствариле добивка од 110.000 куни. Таа година компанијата остварила право на 87.000 куни поддршка.
Извор: agroklub.com
