Тиквичките одлично успеваат кога се садат во саксии – Неколку совети како да ги одгледувате на тераса

Доколку немате градина или двор, ќе ве радува фактот што тиквичките можат да се садат во канти или саксии и да имаат принос како од градина.

Ви пренесуваме 6 совети за одгледување тиквички на тераса:

1. Изберете ја вистинската сорта – Се препорачува одгледување мини тиквички кои можат веднаш да се берат и да се користат за јадење. Ако сте гурман, ќе го ставите и цветот од тиквички при готвењето.
2. Изберете вистински сад – Можат да се садат во саксии бидејќи имаат релативно плиток корен. Затоа, ќе ви послужи саксија длабока 30 см. Сепак, тиквичките бараат хранлива почва, па ако сте во можност да им обезбедите поголеми саксии со слоевита почва – направете го тоа. Редовно наводнувајте ги, бидејќи тиквичките сакаат вода.
3. Земја – компост – Тиквичките мора да имаат почва што ја задржува влагата. Таквата почва ќе има доволно минерали, но и ќе ја задржи влагата неопходна за успешно растење на тиквичките.
4. Сакаат сонце – Затоа, ставете го садот на сончево место. Ако е можно, обезбедете им најмалку 6 часа сонце дневно.
5. Задолжително направете им конструкција на која ќе можат да се „качуваат“ – Тоа може да биде оградата на терасата.
6. Редовно полевајте ги – Како што веќе рековме, сакаат вода, но не сакаат да живеат во „езерце“. Внимавајте да не претерате при наводнувањето.