Пигкасо е најпознатата свиња во културните кругови бидејќи е единствената која слика. Таа зема четка меѓу забите и ја движи на платно, а нејзините уметнички дела се продаваат во галериите ширум светот. Она што е најдобро во сè е што Пигкасо го прави тоа затоа што ужива – ја избира четката, бојата, мотивот… Кога има волја. Понекогаш не сака да го прави тоа, па само поминува покрај неговите четки.
Во видеото објавено на фејсбук-профилот на оваа позната свиња, конечно имаме шанса да видиме како таа создава додека работи на најголемото платно на кое некогаш сликало животно.
„Во моментов, поради големината на платното е највозбудена самата уметница“, стои под видеото во кое го гледаме Пигкасо како многу вешто ракува со четката.
Зошто ја одбрала сината боја да биде доминантна во нејзиното ново ремек-дело, никој не знае освен самата таа, но факт е дека нејзините дела се продаваат по високи цени. На пример, нејзиното последно дело, она со апстрактниот лик на принцот Хари, е продадено за повеќе од 2.000 фунти.
