Поради неповолните временски услови, цените на пченицата повторно пораснаа. За ова придонесуваат сушите во Франција, Германија, САД и Индија, пренесува Агрархеуте.
Средниот запад на САД и јужните области, долго време владееше суша, а врнежите беа помалку интензивни од очекуваното. Сеидбата на пченка оди бавно.
Цените на пченицата на европскиот и меѓународниот пазар остануваат нестабилни. Покрај сушата, на нив влијаат и последиците од војната во Украина, бавното сеење на пченката и побарувачката на кинескиот пазар.
На крајот на минатата недела тие се искачија на 406,50 евра за мајскиот договор на фјучерс пазарот во Париз, а новиот род беше продаван за 397,50 евра. Во германското извозно пристаниште Хамбург вредноста на лебната пченица беше 406 евра за тон по падот во текот на неделата.
Франција и Германија загрозени поради сушата
Отсуството на врнежи и недостатокот на влага во земјата неповратно ќе се одрази на намалување на приносите во овие две земји, кои се најголеми производители на житни култури во Европската Унија.
Жан-Шарл Десварт, агроном во Институтот за одгледување Арвалис, рече дека во Франција имало 30 отсто помалку врнежи од 1 јануари до почетокот на мај од просекот во последните 20 години. Покрај недостатокот на влага, во наредните десет дена се најавува и пораст на температурата. FranceAgriMer веќе ја намали проценката на залихите на пченица особено за регионите во северниот дел на земјата.
Прогнозата на Европската комисија за жетвата на оваа житарка е на минатогодишното ниво од околу 130 милиони тони, но се очекува и залихите да паднат на 12,6 милиони тони, особено поради извозот од 40 милиони тони.
Сеидбата на пченка забавена, а цените растат
Временските услови во САД го диктираа темпото на сеидбата на пченката, а според податоците од 1 мај таа е завршена само на 14 отсто од површината. Во истиот период лани биле засеани 42 отсто од површината. Ова одложување би можело да ја пролонгира сеидбата на соја.
Украина организира извоз преку железница и романското пристаниште Констанца. Склучени се договори со Бугарија, Полска и балтичките земји за извоз преку овие земји.
Во Европа има пад на побарувачката на пченка, пред се поради птичјиот грип, но и поради поевтината пченка која доаѓа од Канада и Јужна Америка. Цените на пченката на фјучерс пазарот во Париз за мајскиот договор скокнаа на 361,50 евра, а новиот род се продаваше за 344,50 евра.
