Присуството на волци е се поголем проблем во Холандија. Речиси не поминува недела без да се слушне за напад на животни. Нивниот број е зголемен, а за нив нема живеалиште и храна. Поради ова, тие се повеќе се принудени да го најдат својот плен меѓу животните што ги одгледуваат сточарите, а најпогодени се овците.
Ветеринарката Маргит Груневелд поминала една година во Дрент истражувајќи го стресот кај стадо овци по напад на волк, пишува Nieuweoogst. Податоците од студијата покажале дека 30 отсто од нападнатите животни не биле гравидни, во споредба со просечните 10 отсто во стадата со кои ги споредувала. Груневелд наведува дека стресот е главната причина за оваа појава.
Во природниот резерват во Дрент, на 21 септември 2021 година, волк нападнал стадо овци и кози кои паселе. Две овци и коза биле еутаназирани, а раните од каснување ги преживеале 16 животни. Груневелд тогаш го започнала своето истражување.
Се претпоставува дека овците биле гравидни во моментот на нападот, но скенирањето во декември покажало голема разлика помеѓу ова и три други стада со сличен состав и големина.
„Речиси 70 јагниња не беа објагнати. Ова не е проблем кај стадата на испаша, но е проблем за сточарите кои одгледуваат овци за производство на месо.“
Стресот од нападот се одразил и на новородените јагниња. Тие често се со помала тежина. Нападнатите овци не се опуштени и постојано се на штрек, за разлика од животните кои не го доживеале ова и поголемиот дел од времето го поминуваат безгрижно на пасење. Долгорочните последици се присутни и по краткотраен напад на волк.
Друг проблем е исплатата на отштета. Во случајот од пролетта 2018 година, кога биле нападнати животните на овчарот на Де Грот во Тиндевен, било одлучено провинцијата Дренте да не мора да ја надомести штетата што ја претрпел поради спонтаните абортуси кај пет овци. Оштета ќе се плати само за четирите гравидни овци кои биле искасани до смрт.
