-Преку Мерка 7 од ИПАРД 3 програмата се поддржуваат мали сместувачки капацитети во рурални средини, тоа се населени места до 30 000 жители. Имаме сериозна заинтересираност но проблем е неможноста да добијат дозвола за градење. Тука мора да се вклучат Општините за да може заинтересираните да ги користат овие средства. Апелирам до сите, има интерес, сериозен интерес, но мора тие средини да се урбанизираат за да може да се користат овие пари. Сигналите кои ги добиваме од Брисел е дека мора да имаме акредитирање и на нови мерки и тоа е она на што ќе работиме во следниот период – изјави Стоилев во емисија на 24ТВ.
Директорот на АФПЗРР Илија Стоилев во емисијата „Студио 10“ на 24 ТВ информираше за неколку важни теми од земјоделското производство, особено за начинот на исплатата на земјоделските субвенции.
-Исплатата на субвенциите, со најновите налози кои ги имаме подготвено очекуваме да биде 81% реализација од вкупните субвенциите за 2024 година. Во овој период, за многу кратко време ќе се исплатат субвенции од областа на сточарското производство. Завршени се сите админитративни контроли и списоците и испратени во трезор за мерка 2.2 за говедарството. Завршени се исто така налозите за мерка 11 во делот произведено и предадено јагне во кланица и мерката 1.3 за остварен принос на пченица и јачмен. И овие налози се завршени и испратени до трезор и земјоделците многу брзо ќе ги добијат своите субвенции – изјави Стоилов.
Тој потенцираше дека 16 месеци доцнење во делот на сточарството е недозволиво и тоа сега го решаваат.
-Ги чекаме последните податоци од млекарниците кои вршат откуп на млеко и очекуваме почеток на јули да биде исплатено млекото од првиот квартал за 2025 година. На тој начин полека да се регулира навремена исплата и на млекото бидејќи намалувањето на бројот на добиток и домашното млекопроизводство се должи на досегашното доцнење во исплатата на субвенциите – изјави Стоилев.
