Исплатени директни плаќања за произведено и предадено кравјо, овчо и козјо млеко – информира директорот на Аегнцијата за финансиска поддршка во земјоделството и руралниот развој, Илија Стоилев.
09.08.2024
Агенцијата за финансиска поддршка во земјоделството и руралниот развој денес изврши исплата по основ на произведено и предадено кравјо, овчо и козјо млеко по Програмата за финансиска поддршка во земјоделството.
Исплатени се 5.047 млекопроизводители со сума од 180.220.914,00 денари.
Исплатата е извршена на земјоделските стопанства – производители на кравјо, овчо и козјо млеко регистрирани како одгледувачи на говеда, овци и кози и произведеното млеко го имаат предадено на регистрирани откупувачи на сурово млеко во месеците: мај, јуни и јули 2023 година.
Висината на директните плаќања изнесува 5 денари по литар за кравјо млеко и 6 денари по литар за овчо и козјо млеко.
