Жителите на Меџитлија и други битолски села блокираа дел од патот Битола-грчка граница со земјоделска механизација, барајќи од државата да им даде државно земјиште под концесија за да можат да произведат храна за прехрана на добитокот, пренесува СДК.мк.
27-те семејства од Меџитлија, не можејќи да најдат излез, узурпирале 50 хектари од државното земјиште што му е дадено на ЗК „Пелагонија“ и го посеале, по што им била пратена инспекција и биле известени дека ќе бидат кривично гонети за узурпација и нарушување на сеидбениот план на концесионерот.
„Ние не бараме да нè вработат по институции, по канцеларии, бараме сами да работиме за леб. Пред секои избори ни ветуваат земја, а потоа не ни ја даваат“, рече сточарот Бујар Хамери за СДК.мк.
.
