Откако денеска популарната Атиџе од „Медена земја“ беше гостинка на отворањето на фестивалот „Денови на македонскиот мед 2020“, таа се онесвестила, како што вели за ММС, од глад. Не можела да јаде затоа што деновиве многу се нервирала, а веднаш по нејзиното онесвестување, била повикана екипа на Брза помош.
Не почувствувала ништо, наеднаш ѝ се свртело, а од падот се повредила малку на главата.
Во моментот, како што вели, е кај пријател на гости и се чувствува добро.
Таа се заблагодари на сите што ѝ помогнале, и на лекарите и на министерот за земјоделство, пишува ММС.
Фестивалот се одржува на улица „Македонија“, а Атиџе, која скромно дојде на отворањето, побуди голем интерес кај присутните.
Организатор на настанот е пчеларското здружение „Матица“, а свое обраќање имаа Венче Билбиловски – претседател на пчеларското здружение, министерот за земјоделие Арјанит Хоџа и градоначалникот на Општина Центар, Саша Богдановиќ.
