Изминатава недела имавме променливо облачно и нестабилно време со повремени локални врнежи од дожд. Во деновите од изминатиот викендот времето беше стабилно, сончево и топло.
Во интензивен развој се скоро сите земјоделски култури. Во некои региони започнато е со расадувањето и на топлољубивите заленчукови култури – домати, пипер, патлиџан, краставици, лубеници и дињи.
Времето денес променливо облачно и свежо со врнежи од дожд, наместа пообилни (15 до 20 l/m²).Поради продор на постуден воздух од север, врнежите од дожд на планините ќе преминуваат во врнежи од снег. Ќе дува умерен до засилен ветер од северен правец, кој наместа долж Повардарието ќе надминува брзина од 60 km/h. Од петок до крајот на неделава ќе се задржи променливо облачно со повремени врнежи од дожд. Ќе дува умерен, до засилен ветер од северен правец. Температурата ќе биде во опаѓање, а утринската наместа ќе се спушти и под нула. Од понеделник следува стабилизирање на времето и пораст на дневната температура.
При вакви временски услови земјоделските производители да посветат поголемо внимание на заштита на нивните посеви од плевели, појава на болести и штетници, да преземат содветни агротехнички мерки заради постоење на оптимални услови за нивно ширење и развој, уништување на плевели преку плитка обработка на почвата, бидејќи нивната појава може значително да го намали приносот и квалитетот. Да се преземат превентивни мерки за зацврстување на пластениците и другите конструкции, да се расчистат одводните канали за полесно одлевање на површинските води и заштита од нив. Во случај на појава на електрични празнења се препорачува поголема внимателност, да не се престојува под отворен простор.
Со нови врнежи од дожд се одржува влагата во почвата. Врнежите се од суштинско значење за земјоделските култури бидејќи водата е главниот двигател на сите витални процеси во растението.
Минималната температура ќе се движи во интервал од -2°C на повисоките места до 10°C, а максималната температура ќе се движи во интервал од 9°C до 27°C.
Извор: Агрометео
