Во Виница вечерва завршува 41. Меѓународен фолклорен фестивал „Истибањско здравоживо“, со богата програма исполнета со музика, игра и традиција.
Предвидени се Фолклорно дефиле низ Виница, заедничко оро на сите учесници на градскиот плоштад „Ангел Винички“, Гала концерт и во 19:30 часот заедничко оро со публиката и свечено затворање на фестивалот Програмата започнува во 17 часот.
-Со завршниот настап во Виница, „Истибањско здравоживо“ уште еднаш ќе ги обедини фолклорните ансамбли, учесниците и публиката во заедничка прослава на песната, играта, традицијата и културното наследство, велат организаторите – ФА “Китка” и Општина Виница.
Фестивалот, кој започна на 4 – ти и завршува вечерва и годинава донесе настапи на ансамбли од петнаесетина држави од Европа и светот и во овој наврат потврди дека претставува значаен културен настан за Виница и регионот.
МИА
