Вчера тимот на СН Осигурителен брокер АД Битола во Центарот за јавно здравје – Битола врачи 22 вредносни ваучери, со вкупна вредност од 66.000 ден. на здравствените работници како посебно вреднување на трудот кој тие го вложија во справување во ковид кризата и за нивната пожртвуваност во цел овој период.
„Овие луѓе, вработени во Центарот за јавно здравство во текот на изминатите 4 месеци беа и се на првата здравствена линија во справување и заштита од ширење на корона вирусот, не само во Битола туку и за целиот овој реон. Колку се посветени на работата зборува фактот дека и денес кога ние симболично им ги доделуваме ваучерите со кои можат да направат разни осугурувања во “СН Осигурителен брокер“, не се тука, туку се на терен. Се надеваме дека оваа наша донација ќе биде поттик и за други компании кои ќе ги наградат овие луѓе, изјави извршниот директор на “СН Осигурителен брокер“, м-р Христо Кондовски.
Убаво е кога некој е секогаш на Ваша страна!
