Симпозиум на тема „Споделување на најдобрите практики за лозарството и за потенцијалот на македонскиот тероар“, ќе се одржи денеска во просториите на М6 Едукативен центар во организација на винарската визба „Тиквеш“ со почеток во 10 часот. Симпозиумот што може да се следи и онлајн се организира во рамки на тригодишниот проект „Откривање на руралното наследство: автохтоно производство на ферментирани пијалаци за локална и еколошка одржливост“. Целта е да се поттикне развојот на руралните области преку подобрување на заедничкиот истражувачки капацитет и размена на знаење применето во производство на „тероар“ вино и сајдер во избрани области на Словенија, Хрватска, С. Македонија и Норвешка Проектот е финансиран од Исланд, Лихтенштајн и Норвешка, преку ЕЕА и Норвешкиот фонд за грантови за регионална соработка (EEA and Norway Grants Fund for Regional Cooperation).
На настанот, за значењето и спецификите на тероарот, ќе говорат истакнати професори и истражувачи со меѓународно искуство како проф. Алан Делоар и д-р Гиом Анталик, како и претставници на ВВ „Тиквеш“. Настанот можете да го проследите преку вклучување на следниов линк: https://us02web.zoom.us/j/85124272134. Настанот ќе се одвива на англиски и македонски јазик. Ќе биде обезбеден симултан превод.
