Новата хит сорта на компири наречена „Северина“, откако за прв пат се појави во Хрватска и Србија, започна да се произведува и во Босна и Херцеговина.
„Agrico“, најголемиот производител на семенски компири во светот, во својот истражувачки центар подолго време работеше на оваа рана сорта на компири погодна за производство во медитерански услови како на пример Далмација и Херцеговина.
После сортите „Jaerl“ и „Liset“ се појави вакуум на пазарот на рано семенски компири. Има многу различни сорти од кои секоја има некои добри карактеристики, но ниту една не ги содржела сите карактеристики кои ги бара пазарот односно крајниот купувач.
Со појавата на „Северина“ ќе бидат задоволни и производителите, кои бараат најрана сорта на високоприносен млад компир, со добра отпорност на пролетните мразеви и болести и особено отпорен на пламеница и скапување, а воедно погоден и за складирање. Со сите овие карактеристики „Северина“ за разлика од останатите рани сорти е и со одлични кулинарски карактеристики. Компирот не се разварува и може да се послужи и печен на класичен начин.
Месото и поткожичката на оваа сорта на компири се со жолта боја, додека формата е издолжено- округла, со средна големина која зависи од времето на вадење.
Извор: jabuka.tv
