Една од четири германски компании ја разгледува можноста за преместување на производството во други земји, поради инфлацијата и енергетската криза со која се соочува земјата, пишува rt.com.
„Високите цени на енергијата и слабеењето на економијата ја погодуваат Германија со полна сила и ставаат голем товар на нашите компании во споредба со други меѓународни локации. Германскиот бизнис модел е под огромен стрес. Секоја четврта германска компанија размислува за преселување на производството во странство“, вели Тања Гунер, генерална директорка на Германската индустриска унија (BDI).
„Ќе мораме да дадеме сопствен европски одговор што ќе ги истакне нашите сили“, велат од ресорното Министерство, додавајќи дека покрај субвенциите, на германската индустрија и се потребни „структурни реформи, пред сè забрзување на процедурите за планирање и одобрување и дебирократизација“.
