Во 2020 година, вкупно 55,3 милиони тони компир биле собрани во Европската Унија. Најголем производител на компири во ЕУ е Германија, со 21,2 проценти од вкупното производство на Унијата.
Полска произвела 16,4 проценти компир, Франција 15,7, Холандија 12,7 и Белгија 7,2 проценти, наведува Еуростат.
Овие пет земји заедно учествуваат со 75 проценти во производството на компири во Европската Унија.
Покрај извозот на суров компир за храна и семе, ЕУ ги преработува своите компири во четири вида производи: замрзнат компир (најчесто помфрит), готов или конзервиран компир (претежно чипс), сушен компир и скроб од компир.
Вкупната вредност на производството на преработен компир во ЕУ достигна 9,1 милијарди евра во 2019 година, или 1,6 проценти од вредноста на производството на целата европска прехранбена индустрија.
Извор: akta.ba
