Бродот Queen Hind се преврти во неделата, одма по излегувањето од пристаништето Мидија, во близина на Констанца, на југоизтокот од Романија, на брегот на Црно море.
Голем товарен брод што превезуваше повеќе од 14.000 овци се преврти крај брегот на Романија.
Бродот Queen Hind се преврти во неделата одма по излегувањето од пристаништето Мидија, во близина на Констанца, на југоизтокот од земјата, на брегот на Црно море.
Нема човечки жртви
Сите членови на екипажот – 22 државјани на Сирија – беа спасени, а само еден беше однесен во болница заради хипотермија. „Тој падна во морето, но беше спасен многу брзо“, рече Стоија Анамарија, портпарол на службите за итни случаи во Констанца, додавајќи дека остатокот од екипажот е безбеден во пристаништето.
Полицијата, пожарникарите и романската крајбрежна стража учествуваа во операцијата за спасување на овците. Досега се спасени само овците што пливале во близина на бродот, и се верува дека многу се удавиле.
„Спасивме мал број. Тие пливаа во морето“, изјави Анамарија за Би-Би-Си.”
Причината за потонувањето на бродот не е позната
Сè уште не е позната причината што предизвикала превртување на бродот. Ќе се спроведе истрага кога ќе заврши операцијата за спасување на овците и спасување на бродот, соопштија властите.
Инаку, бродот е изграден во 1980 година, долг е 85 метри и тежи 3.785. тони. Бродот пристигна во пристаништето Мидија на 23 ноември од либискиот главен град Триполи, јавуваат романските медиуми.
Пристаништето во Мидија првенствено се користи за снабдување со сирова нафта на околните индустриски и петрохемиски објекти.
Треба да се спомене дека уште минатото лето, активисти за правата на животните предупредуваа на тешките услови што овците ги издржуваат во преполните бродови, поточно, на бродот Лејди Марија. Романија е трет по ред одгледувач на овци во ЕУ после Велика Британија и Шпанија, а воедно е и најголем извозник. Оваа земја направила извоз на вкупно два милиони овци во 2017 и 2018 година, повеќето од нив во Јордан, Либија и Либан. Во 2017 година, нејзините приходи беа 430 милиони евра, според статистиката на ООН.
Извор: https://www.agroklub.com/
