Се очекува добар принос на житарките во Украина

Во Украина, повеќето зимски житни култури, како пченицата и јачменот, се наоѓаат во добра состојба и би можеле да дадат добри приноси оваа година.

–Анализата на одржливоста на зимските житарки покажа дека повеќето билки се во релативно добра состојба – соопшти Украинската академија за земјоделство, пренесува британски „Гардијан“.

Според извештајот, површината засеана со зимска пченица во 2023 година во Украина, поради конфликтот со Русија, е намалена на околу 4,1 милион хектари, во споредба со шест милиони хектари една година порано.

Од пченицата засадена минатата година, само 4,9 милиони хектари биле собрани на територијата под контрола на Украина, бидејќи руските сили ги окупирале другите области.

Приносот на пченица е намален на 20,2 милиони тони во 2022 година, наспроти 32,2 милиони тони во 2021 година.

Вкупниот принос на житарки во 2022 година падна на 54 милиони тони, од рекордните 86 милиони тони во 2021 година.