Кина претставува еден од најголемите купувачи на руските земјоделски производи и храна.
Првиот човек на руското Министерство за земјоделство, Димитриј Патрушев одржа состанок со пратеникот од Кина, Занг Ханхуи, на кој разговарале за деловната соработка помеѓу овие две земји.
Патрушев напоменал дека двете земји историски ги поврзуваат пријателски односи, што, помеѓу другото, го потврдуваат редовните контакти на ниво на држави. Исто така, трговскиот промет на земјоделски производи помеѓу земјите продолжува континуирано да се развива, пишува agroxxi.
Прометот на овој вид на стока во 2019 бил поголем за 11% и изнесувал околу 5 милијарди долари.
– „За единаесет месеци минатата година, покрај општиот пад на деловните активности, опсегот на меѓусебната трговија во агроиндустрискиот сектор се зголемил за дополнителни 11% и изнесувал 4,9 милијарди доалри. Денес Кина е најголем купувач на руски земјоделски производи и храна“, изјавил Патрушев и додава дека во 2019 година нејзиниот удел изнесувал 12,5% во извоз на тие видови производи.
Исто така потсетува дека тие постигнале договор дека до 2024 година трговскиот промет во целост ќе достигне 200 милијарди долари.
Што Русија и извезува на Кина?
Според министерот, најперспективни производи се мешунките, живината, свинското месо, растителните масла, рибата и млечните производи. Со цел развој на партнерствата во агросекторот, Патрушев ја истакнал потребата за повторни заеднички развојни планови за продлабочување на руско-кинеската соработка во поглед на снабдување со стока и растителни производи.
Тие исто така разговарале за осигурување на меѓусебниот пристап на стоката. До денес повеќе од 230 руски претпријатија добиле право на извоз во Кина на руско млеко и млечни производи, живина, говедско месо и друго.
Русија во најмногу бројната земја на светот најпрво извезува суровини како што се нафта, плин, јаглен и дрва. Пекинг, од друга страна, ги продава своите машини, возила и стока за широка потрошувачка на своите северни соседи. Трговијата со Русија ја прави само 1,9 % од кинеската трговија, што е всушност занемарлив износ. Пазарот на САД и ЕУ е многу поважен за оваа земја, пишува DW.
Да потсетиме, неодамна рускиот претседател Владимир Путин ја продолжи забраната за увоз на млечни производи, сирење, риба, овошје и зеленчук од ЕУ до 31 декември 2021 година. Оваа земја користи ембарго за да го обнови сопственото производство, на пример, во млечната индустрија, така што се повеќе ја намалуваат зависноста од увоз.
Извор: agroklub.rs
