Министерството за земјоделство на Руската Федерација планира до крајот на годината да откупи до три милиони тони житарки за интервентниот фонд, изјави министерот за земјоделство Дмитриј Патрушев.
„Покрај тоа, во октомври ги поедноставивме условите за лицитирање и ги ублаживме критериумите за продавачите“, рече Патрушев по состанокот на Оперативниот штаб на Министерството за земјоделство. Тој потсети дека откупот на житарки за Државниот интервентен фонд се одвива секојдневно, а обемот на трговската размена расте, пренесува Agrotv.
„Од производителите веќе откупивме околу 900 илјади тони, за пченицата од трета класа просечната цена е повеќе од 14 илјади рубљи, а за четвртата класа околу 13,4 илјади рубљи за тон“, рече министерот Патрушев.
Напишете коментар