Вкупната бруто-произведена електрична енергија во април 2025 година изнесува 338 832 МWh, што претставува 73.6 % од бруто-домашната потрошувачка на електрична енергија, соопшти Државниот завод за статистика.
Во април 2025 година, вкупната потрошувачка по видови енергенти изнесува: 460 185 МWh електрична енергија, 6.785 милиони nm3 природен гас, 305 848 тони јаглен и 101 241 тони нафтени продукти.
Во април 2025 година во однос на април 2024 година, вкупната потрошувачка на природен гас е намалена за 45.9 %, а на нафтени продукти е зголемена за 18.0 %.
МИА
