Киселите пиперки ги сакаме поради нивниот фантастичен вкус и затоа што се одлична салата која се служи со различни јадења. Ова е одличен рецепт за да си подготвите вкусна зимница без конзерванси.
Од наведените состојки ќе добиете три тегли кисели пиперки.
Состојки:
1,5 кг месести црвени пиперки
3 чешниња лук
3 лажички сол
12 лажички шеќер
12 лажички оцет
1 л врела вода
зрна бибер
магдонос
Подготовка:
Пиперките измијте ги, исчистете ги од семките и дршките, па исечете ги на ленти. Наредете ги пиперките вертикално во чисти тегли.
Кога ќе ја наполните теглата, додадете малку лук, зрна бибер и магдонос. Во секоја тегла ставете по една лажичка сол и четири лажички шеќер.
Истурете четири лажички алкохолен оцет во секоја тегла. Пиперките прелијте ги со зовриена врела вода, до врвот.
Теглите добро затворете ги со чисти капачиња, па ставете ги во ладна рерна, вклучете ја на 90 степени и оставете ги така 90 минути.
По 90 минути исклучете го шпоретот и оставете ги теглите преку ноќ во шпоретот. Следниот ден пиперките се готови за јадење.
Во продолжение погледнете уште една варијација на рецептот.
