Нови можности за развој на одржлив туризам и афирмација на културното наследство во општина Градско
Министерот за култура и туризам, Зоран Љутков, заедно со националниот координатор за туризам, Акан Махмут, вчера ја посетија Општина Градско. Со градоначалникот Киро Нацков разговараа за развој на вински тури, транзитен туризам и афирмација на културните вредности.
Министерот Љутков го посети и ранчот на Sherpa Horse Riding Macedonia, туроператор кој од неодамна нуди и планинска винска тура со јавање коњи „Патеката на Дионис“, со неверојатен поглед на тиквешките лозја и посети на познатите винарии. Овој проект е фасилитиран и поддржан од Increasing Market Employability – IME.
На работната средба претставниците на Швајцарската програма за зголемување на пазарната вработливост (ИМЕ) ја истакнаа важноста од меѓусебната соработка на институциите, приватниот сектор и сите засегнати страни, со цел создавање поволни услови и реализација на заеднички проекти за развој на одржлив туризам во регионот.
