Холандската управа за безбедност на храна и потрошувачки производи (NVWA) донесе одлука во вторникот да уништи повеќе од 102 илјади кокошки на фарма во градот Кил-Виндвер на северот од земјата поради појава на инфекција од птичји грип. Во своето соопштение пишуваат дека во зона од 3 километри околу заразената фарма има уште една ваква фарма, која ќе се проверува, а во зоната од 10 километри има уште шест такви фарми. Живинарите имаат обврска затворање, преглед и забрана за транспорт на тоа подрачје.
Само еден ден подоцна оваа болест е откриена и на еколошка фарма на кокошки-несилки во Гронинген, каде што се уништени речиси 15 илјади птици. Во околината на овој објект има и повеќе од 20 фарми каде што се одгледува живина.
📣Out now: new report on #AvianInfluenza
An unprecedented number of HPAI virus detections were reported in wild and domestic birds during the summer period
📖 Read the latest overview by EFSA, @ECDC_EU & the EU reference laboratory
👉https://t.co/0sbXLEfW87#AnimalHealth pic.twitter.com/Blog8u3oVi
— EFSA (@EFSA_EU) October 3, 2022Обврска за чување во кафези
Од средата, 5 октомври, министерот за земјоделство, природа и квалитет на храна, Пиет Адема, воведе национална обврска живината да се чува во кафези и да се заштити за локации со високоризични птици.
Во последниов месец во оваа земја се пријавени петнаесет случаи на високо смртоносна форма на птичји грип.
Франција, исто така, го доживеа најлошиот бран на инфекција во 2022 година, а по затишјето, бројот на пријавени случаи се зголемува, наведува Ројтерс.
Вирусот остана цело лето
Европскиот центар за превенција и контрола на болести (ECDC) и Референтната лабораторија на ЕУ издадоа извештај кој покажува дека вирусот преживеа летово кај популацијата на диви птици во многу европски земји и дека предизвикува континуирана епидемија на живината.
Инфекцијата се појавила во колониите за размножување на морски птици на брегот на северниот дел на Атлантикот и предизвикала масовни смртни случаи, особено во Холандија, Германија, Франција и Обединетото Кралство. Заразените диви птици се постојан извор на инфекција за домашната живина.
„Сега започнува есенската миграција и се зголемува бројот на диви птици кои презимуваат во Европа, а тие се изложени на поголем ризик од инфекција со високопатоген птичји грип отколку во претходните години поради забележаната перзистенција на вирусот во Европа“, рече раководителот на производната единица за проценка на ризик во Европската агенција за безбедност на храна (EFSA), Гилхем де Сезе.
Во сезоната 2021/2022 вирусот ја предизвика најголемата епидемија во Европа досега, со вкупно 2.467 епидемии кај живината, а убиени се 47,7 милиони птици. Пријавени се 187 случаи кај птици во заробеништво и 3.573 кај диви. Болеста се појавила во 37 европски земји.
Низок ризик за луѓето
ECDC заклучува дека ризикот од инфекција за општата човечка популација во ЕУ е низок, а низок до среден за професионално изложените лица.
Сепак, високата неизвесност е изразена поради високата разновидност на циркулирачките вируси на птичји грип кај популациите на птиците. Ризикот од пренесување на луѓе изложени на контаминирани производи од живина се смета за занемарлив.
