Согласно член 95 од Законот за шумите за работите на проширена репродукција на шуми средства обезбедуваат: субјектите кои стопанисуваат со шумите во државна сопственост во висина од 3% од вредноста на исеченото дрво на франко камионски пат. Средствата за проширена репродукција на шумите се користат според годишна Програма што ја донесува Владата на РС Македонија.
Врз основа на член 96 од Законот за шумите, Владата на седницата, одржана на 8 март 2022 год. донесе Програма за проширена репродукција на шумите за 2022 год.
Со оваа програма, се утврдува изворот и износот на средствата, видот и обемот на работите и мерките кои ќе се финансираат, извршителите на работите, како и начинот на исплата на средствата за извршени работи.
Средствата наведени во Програмата за проширена репродукција на шумите за 2022 год. се користеа за следните работи:
-Пошумување на голини и ерозивни земјишта на површина од 76,47 ха.
-Отстранувања на последиците од шумски пожари на површина над 50 ха во рамките на една шумско стопанска единица преку вештачка обнова со пошумување со садници на површина од 51ха.
Во деловната 2022 год. ЈПНационални шуми оствари приходи од проширена репродукција на шумите во вкупен износ од 13.299.950 денари, согласно склучените договори помеѓу МЗШВ и извршителот на работите ЈП Национални шуми за: пошумување на голини и ерозивни земјишта на вкупна површина од 36,47 ха, како и договор за отстранување на последиците од шумски пожари на површина од 102,00 ха, кои во целост се реализирани.
ЈП Национални шуми
