Во Хрватска сланината, која е помалку прошарана со месни делови, традиционално се користи во производството на сапун. А сега, брендот Лега-Лега од Осијек во својата понуда додаде и сапун во облик на сланина. Промотивната цена на сапунот е 35 куни (околу 300 денари) по парче.
„Измиј ја од себе 2021 година! Ослободете се од вируси, бактерии, црни мисли, клетви, магии, пороци, политика, магла, ТВ претплати, потврди за ковид, змејови, минуси и стрес“, остроумно им порачуваат од Лега-Лега на потенцијалните купувачи.
Покрај тоа стои и напомената: Ниту една гица не испуштила глас додека се правел сапунот!
А дали сапунот мириса на сланина, ќе мора да проверите сами.
