Во текот на денешниот ден времето во нашата држава ќе биде променливо облачно а ќе има и повремен локален дожд. Од пладневните часови на повеќе места ќе биде нестабилно со пороен дожд, грмежи и засилен ветер. Локално е можна и појава на невреме проследено со силен ветер и појава на град. Максималните дневни температури на воздухот ќе се искачуваат во интервалот од 21 до 29 степени.
Во Скопје и околината времето ќе биде променливо облачно, додека од пладневните часови ќе биде нестабилно со услови за локална појава на пороен дожд, грмежи, засилен ветер и услови за појава на град. Максималната дневна температура на воздухот денеска во Скопје се очекува да се искачи до околу 27 степени.
Потоа во следните денови, повторно ќе има услови за нестабилност проследена со порооен дожд, грмежи, засилен ветер и услови за локална појава на град, особено во попладневните часови.
Временската прогноза ја подготви Славчо Попоски
