Со особена чест и задоволство го примивме „Признанието за значаен придонес во развојот на млечната индустрија“ на МАК 2025. Ова признание ја одразува нашата долгогодишна посветеност на високите стандарди, одржливото производство и квалитетот што го испорачуваме на потрошувачите секој ден, информираат од компанијата „Бучен Козјак“.
Во време кога климатските промени и одржливоста се главни предизвици во агросекторот, ова признание ни дава дополнителен поттик да продолжиме да вложуваме во иновативни, еколошки одговорни и одржливи практики, кои обезбедуваат квалитетна и безбедна храна. Нашата мисија е да ја зачуваме традицијата на производството на млечни производи, но истовремено и да ја унапредуваме со модерни решенија, следејќи ги најдобрите светски трендови во индустријата.
Искрено благодариме на организаторите, партнерите и сите учесници за плодните дискусии, размената на знаење и можноста за нови соработки. Ваквите настани се од суштинско значење за унапредување на млечната индустрија во регионот и пошироко.
Горди сме што Бучен Козјак беше дел од меѓународната агробизнис конференција – МАК 2025 во Копаоник, Србија, каде што се говореше на тема: „Климатските промени и еколошката одржливост во агросекторот и производство на храна“.
Фокусот беше ставен на предизвиците и можностите во Србија, Македонија, регионот и Југоисточна Европа со посебен акцент на стратегиите за адаптација на земјоделското производство кон климатските промени, одржливо производство на прехранбени производи, дигитализација, иновации и имплементација на ЕСГ стандарди.
Како бренд кој неуморно работи на одржливо производство и висококвалитетни млечни производи, нашата компанија активно учествуваше во дискусиите, споделувајќи добри практики и стратегии за развој на секторот. Ваквите настани се клучни за создавање идејни решенија поткрепени со научно-истражувачки трудови кои ќе ја обезбедат иднината на агробизнис секторот.
Огромна благодарност до организаторите, Институт за заштита на растенија и животна средина-Белград и Научно-деловен центар WORLD-Краљево за подготовка и организација на 12-та по ред агробизнис конференција.
