После лукот на иста леа можеме да одгледуваме разни видови зеленчук. Растенијата ќе бидат поздрави, а плодовите повкусни.
Невозможно е да се замисли градина без леи со лук, но и покрај тоа што често се одгледува, мора да се мисли и што ќе се посее на тоа место после него.
Лукот е многу корисен вид зеленчук, бидејќи е многу ефикасно заштитно средство за градината и посевите во неа. Меѓутоа, за оние зеленчуци што ги одгледуваме после лукот да дадат добар принос, мора да се испочитуваат и одредени барања.
Голем потрошувач на калциум, решение – плодоред
Постојаното производство на еден вид на исто место во текот на годините, ќе создаде проблеми. За да можете да ги избегнете сите негативности што го следат таквиот начин на одгледување, потребно е да се врши смена на посевите. Иако на иста парцела можеме да одгледуваме еден вид зеленчук постојано, со тек на време и сами ќе се увериме дека приносот опаѓа.
Со примена на плодоред се зголемува плодноста на земјиштето, се намалува насобирањето на предизвикувачите на болести и штетни организми, се подобрува имунитетот на растенијата, се спречува еднострано искористување на ѓубривата од почвата. При планирање на сеидбата треба да го земеме предвид и фактот дека лукот се бере рано и потоа останува слободна парцела за сеидба. Со почитување на плодоредот се намалува присутноста на штетници, особено на мувите.
На исто место растенијата од семејството лук не треба да се садат пред да поминат три или четири години. Колку што е подолг тој период, толку е подобро. Треба да се има превид дека оваа сорта е голем потрошувач на калциум од земјиштето, но и дека го збогатува со многу корисни биосостојки што ги штитат другите градинарски видови.
Целта на плодоредот е да се намали бројноста на предизвикувачи на заболувања на целосно природен начин и да се осигура висока плодност на леата.
После лукот многу добро успеваат разни видови мешунки и компир, а освен нив може да се одгледуваат краставици, зелка и домат, бидејќи го збогатуваат земјиштето со кислородни споеви.
Од легуминозите (мешунки) најпожелни се гравот и грашокот. Потоа можеме да одгледуваме копар, марула, спанаќ. Сето тоа се култури на кои лукот им одговара како предпосев, а тие на свој начин дополнително ќе го подобрат земјиштето.
Морковот ќе биде повкусен
Морковот е еден од зеленчуците кој се сее после лукот, а освен што посевот ќе биде поздрав и коренот ќе биде повкусен. Потребно е пред сеидба добро да се залее леата, за семето да има доволно влага при никнување. После лукот многу добро успеваат и разни салати. Нив ги одликува краток период на растење, освен оние кои остануваат преку зима. За успешно производство добро е да се додаде компост, со цел збогатување на земјата со дополнителни состојки.
Добар против лисни вошки и ботритис
Во растителниот свет постојат видови кои меѓусебно се надополнуваат и се штитат. Лукот е вистински „доктор во градината“. Имено, тој излачува бројни растителни заштитни состојки. Најдобро е да го садите заедно со јагоди бидејќи ќе ги зачувате или ќе ја намалите појавата на ботритис на плодовите. Доколку се одгледува покрај домати, тие ќе растат подобро, засаден покрај морков со својот мирис ја одбива морковата мува, а покрај компирот го намалува нападот на компирова златица. Ги штити розите од рѓа, пепелница и напад од инсекти, особено инвазија на лисни вошки.
