Денеска во Брисел започна билатералниот скрининг за Поглавје 11 – Земјоделство и Рурален развој.
Значен ден за секој земјоделец, агробизнисмен, за жителите во селата, за руралниот развој, за домашното производство на храна за сите граѓани. Се подготвува македонскиот аграр да се усогласи со Заедничката земјоделска политика на ЕУ. Каква шанса!
Преговарачкиот процес не е едноставна работа, бара многу знаење, професионализам, тактика, посветеност и најмногу желба за успех. Денеска на оваа средба имав прилика да ја слушнам и видам нашата администрација на висина на задачата. Нивната посветеност и високата професионалност за процесот гарантира успех. Чест ми е што можам да бидам дел од овој тим.
Работејќи на евроинтеграциите ќе се обидам да го доближам преговарачкиот процес до вас земјоделците, преку изјавите на нашата администрација и претставниците на Eвропската Комисија. Да ги дознаете сите предности кои ќе ги има македонскиот аграр со нашето членство во Унијата.
После денешниот ден – Дали ни треба ЕУ? Ве молам, какво е тоа прашање!
Фејсбук статус на Ленче Николовска
